Inicio > AS > Noticies > Escomiencen les visites combinaes a llagares del Múseu de la Sidre
Noticies

Escomiencen les visites combinaes a llagares del Múseu de la Sidre

Esterior MuseuVan dar entamu’l prósimu 27 de mayu y van ser a Orizón, Viuda de Angelón y Viuda de Corsino.

LA SIDRA.- Yá lo anunciaba l’alcalde de Nava, Juan Cañal, el pasáu 19 de marzu demientres el III Axuntábense de la Bona Confradería de los Siceratores d’Asturies al qu’asistió la revista LA SIDRA: “Toviemos esplorando la posibilidá de que llueu se pueda compaxinar l’acesu al muséu con visites a los llagares de la llocalidá” dixo entós daquella y en breve va ser una rialidá. Asina lo anunció Cañal la pasada fin de selmana nun actu al que tamién asistieron Francisco Ordóñez de Viuda de Angelón, José Luis Vigón del llagar Orizón, y Fernando Morán de Viuda de Corsino.

 

El públicu que vaiga al Muséu de la Sidre rializará la visita al equipamientu y darréu va poder ampliar el percorríu visitando ún de los trés llagares enantes mentaos pa conocer de primer man el trabayu rial pa la ellaboración de sidre. Cabe siñalar que los llagares participantes collaboren de forma altruista y que ca selmana va tocar la vez a ún d’ellos. Les visites van escomenzar el 27 de mayu. Podrá allegase pela mañana o pela tardi –a les 12:30 o a les 17:30–. Un horariu que busca beneficiar tamién a la hostelería naveta. Pa visitar el muséu tendrá d’acutase con anticipación per teléfonu, el preciu de la entrada va ser de 10 euros ya incluyirá un vasu pa poder tastiar la sidre del llagar.

(Visited 2.466.023 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies