Inicio > AS > Eventos > Entrega premios del IX Concursu Semeyes LA SIDRA
Eventos

Entrega premios del IX Concursu Semeyes LA SIDRA

Mañana sábadu 13 febreru tendrá llugar la entrega premios y la naguración de la esposición del IX Concursu Semeyes LA SIDRA, cola collaboración del llagar JR y la Sidrería La Galana.

{loadposition IX Concursu}

 

LA SIDRA.- El prósimu sábadu 13 de febreru, a les 20 hores, va tener llugar na sidrería La Galana de Xixón la entrega premios del IX Concursu Semeyes La Sidra. Certame entamáu pola revista La Sidra y que cunta col sofitu del llagar JR.

El 15 xineru cellebró’l fallu del xuráu nuna sesión abierta al públicu na see de la revista y de la Fundación Asturies XXI. El primer premiu foi pa la semeya “L’heriedu de la sidra” del guipuzcoanu Miguel Cavero. El primer accésit recayó en Martín Pérez que participó con “Mazana que surge”. El segundu accésit ganar “El corresponsal” de José Manuel Parapar. Finalmente, el premiu especial qu’otorga’l llagar JR tamién foi para Manuel Parapar y la so instantánea “Al otru llau”. El primer premiu ta dotáu con 700 euros. El primer accésit con 200; el segundu con 100 y el premiu JR con dos caxes de sidre del citáu llagar.

El tribunal tuvo costituyíu polos profesionales del seutor: Carlos M. López “Cámala”, presidente del xuráu y fotógrafu; José Pañeda, tamién fotógrafu; Jorge Fanjul, infografista de Atelier Plus Fotografia; y Marcos Llión, fotoperiodista de La Nueva España.

Nesta IX edición del Concursu de Semeyes La Sidra participaron 73 fotógrafos de 9 países distintos, anque la mayoría de los concursantes fueron asturianos. En total presentáronse 253 semeyes.

La entrega premios tamién va ser l’escenariu pa la naguración de la esposición del Concursu Semeyes LA SIDRA que va tar compuesta poles meyores 20 obres presentaes al certame. Nun primer momentu va poder visitase na sidrería La Galana, darréu va treslladase a otros establecimientos una y bones l’amuesa va ser itinerante.

El Concursu Semeyes LA SIDRA ye’l certame fotográficu más antiguu de los que tienen la bébora emblemático asturiana como temática principal. Amás ye’l que cunta con mayor participación y presencia internacional. 

 

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

 

 

(Visited 2.464.387 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies