Inicio > Cultura sidrera > Entrega premios del XIII Concursu Semeyes LA SIDRA
Cultura sidreraLa sidra

Entrega premios del XIII Concursu Semeyes LA SIDRA

Sedrá’l prósimu sábadu 7 de marzu a les 20:00 hores na sidrería La Galana de Xixón, nel actu va apurrise una etiqueta comemorativa cola imaxe de la semeya ganadora

LA SIDRA.- El prósimu sábadu 7 de marzu a les 20:00 hores na sidrería La Galana de Xixón (Plaza Mayor) va tener llugar la entrega premios de la XIII edición d’esti concursu convocáu pola Fundación Asturies XXI y la revista LA SIDRA, entamáu pola Asociación Asemeyando, en collaboración col mentáu establecimientu y col paDrociniu del llagar JR.

El pasáu 2 de febreru fixo públicu’l fallu del xuráu del Concursu de Semeyes LA SIDRA.

  • El primer premiu foi pa la semeya “Mazana” de José Agustín Gurruchaga Garagarza, y ta dotáu con 700 euros y medalla d’oru de la Confederación Española de Fotografía –CEF–.
  • El primer accésit recayó n’Arturo Rodríguez Ortiz que participó con “Perfilando’l momentu”, el so premiu ta dotáu con 200 euros y medalla de plata de la CEF.
  • El segundu accésit foi para “Bruno y León” realizada por Carmen Pascual Soler, el so premiu ta dotáu con 100 euros y medalla de bronce de la CEF.
  • Finalmente, el premiu especial qu’otorga’l llagar JR foi, otru añu más, para l’asturianu Óscar Chamorro Flórez y el so instantánea “Bodegón asturianu”. A elli van apurríse-y dos caxes de sidra del llagar JR.

Tolos premiaos, sacántenes Carmen Pascual, confirmaron la so asistencia a la entrega de premios, tamién va asistirun representante de Divertia.

Nesta edición los ganadores inscribieron les sos fotografíes como procedentes d’España. En total participaron 565 imaxes de 175 autores provenientes de 28 países.

Amás, na entrega de premios va apurrise una etiqueta conmemorativa cola imaxe de la semeya ganadora.

La entrega premios tamién va ser l’escenariu para la naguración de la esposición del Concursu Semeyes LA SIDRA que va tar compuesta poles obres finalistes presentaes al certame. Nun primer momentu va poder visitase na sidrería La Galana, darréu va treslladase a Llangréu y a otres ciudaes asturianes.

El Concursu Semeyes LA SIDRA ye’l certame fotográficu más antiguu de los que tienen la bébora emblemático asturiana como temática principal. Amás ye los pocos d’esti tipu de concursos nel que nun se cobra a los fotógrafos por entrar a participar.

(Visited 2.467.924 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies