Inicio > Opinión > Entamu LA SIDRA Marzu’21 (Nb. 203)
OpiniónSin categoría

Entamu LA SIDRA Marzu’21 (Nb. 203)

Entamu

Cúmplese agora un añu dende l’entamu l’andanciu que camudó de forma definitivo les nueses vides, y cuyu desendolcu y xestión provocaron nel mundiu la sidre una cris ensin precedentes na que quedó de manifiestu la capacidá de rempuesta, innovación y compromisu del conxuntu del seutor, frente a un “Principado” que lu dexó na orfandá dafechu y cuyu desdexamientu de funciones quedó n’evidencia énte l’actitú, yá non solo d’otres comunidaes autónomes, sinón énte simples diputaciones provinciales.

Pero la vida sigue, y vimos floriar los pumares, xorrecer los sos frutos, pañáronse, mayáronse…. la sidre’l duernu tuvo formientando nel llagar, y agora, cuandu de nuevu escomiencen a floriar los pumares, yá cuntamos con sidre nuevo nos llagares anunciando un nuevu ciclu de la vida. La natura nun se detien, y con ella xunímosmos toos a esi ciclu interminable, precisamente nel momentu que pa los amantes de la sidre, reiníciase tol procesu.

Por eso esti añu tien más trescendencia que nunca la cellebración d’esta primer sidre, porque acullá d’una cellebración pal esfrute, ye un canciu d’esperanza y enfotu nel futuru, y ye por ello polo que la cellebración de la Primera Sidre L’Añu alquier esti añu una significación bien especial.

Cierto que va ser una Primer Sidre L’Añu bien distinto a les que tábamos avezaos, onde l’aplicación de les midíes sanitaries del momentu va torgar la cellebración multitudinaria que ye propia d’esta primera gran espicha del añu, y que va haber que recurrir a lo virtual más de lo que se quinxera, pero lo importante ye la voluntá de siguir, de retomar el ciclu y volver pasu ente pasu a la normalidá. Convócase’l concursu de la Meyor Primer Sidre L’Añu, va cellebrase un Sidracrucis bien peculiar, va realizase una tastia guiada de les meyores primeres sidres, va haber concursu a la Meyor Sidre Caseru Fecho en Maera, y l’Asturianada y Sidre tamién va tar presente.

Reiníciase un ciclu sidreru, va recuperase la normalidá, y la sidre nuevo vien recordámoslo.


(Visited 2.467.502 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies