Inicio > Opinión > Entamu LA SIDRA 189 (Setiembre ’19)
OpiniónSin categoría

Entamu LA SIDRA 189 (Setiembre ’19)

Entamu

Ye esti mes de setiembre un mes especialmente sidreru, qu’empecipia cola resaca de la Fiesta de la Sidre de Xixón, que sigue cola de Villaviciosa, y remata col Salón Internacional de les Sidres de Gala, apuntando a la cellebración del Festival de la Mazana de Villaviciosa yá nel mes d’ochobre.

Pel mediu toa una cadena de cellebraciones sidreres de toa triba, y bien especialmente de concursos de sidre casero, que pasu ente pasu espárdense pel conxuntu de la xeografía asturiana ca vegada con mayor calidá y participación, reflexando el rixu y la vitalidá de la cultura sidrera asturiana y gracies especialmente al acertáu trabayu de l’Asociación pal Fomentu de la Sidre Tradicional.

Tou un paradigma de lo que ye la evolución del mundiu la sidre: la mazana, la sidra casero, la sidre industrial, les nueves espresiones de la sidre y la so internacionalización, too ello conviviendo dinámicamente na nuesa sociedá, y evolucionando de forma global ensin perder un ris de la so identidá.

Y nesti procesu, cómo non, tenemos de faer especial fincapié nel Salón Internacional de les Sidres de Gala –SISGA- l’eventu sidreru más internacional que se rializa nel nuesu país, y tamién el más innovador, que mos permite conocer y compartir otres rialidaes sidreres, la so evolución y les tendencies del momentu al empar qu’asitia y reivindica a Asturies como referente sidreru mundial en tolos campos.

Destacar tamién nesti mes, la cellebración de la Espicha Solidaria de la DOP Sidre d’Asturies en collaboración cola Fundación Sandra Ibarra escontra’l cáncanu, una espresión solidaria y humanista del mundiu la sidre que mos engrandez a toos.

D’otra miente, siguimos sollertes a la falta de noticies sobro’l procesu de la candidatura de la Cultura de la Sidre Asturiano pa la so proclamación como Padremuñu Inmaterial de la humanidá pola UNESCO, y adicando, con meyores presaxos y esperances, la bona evolución de la prósima collechona de mazana, la calidá del frutu y el momentu más afayaízu pa escomenzar a mayar.

(Visited 685.866 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies