Inicio > Uncategorised > Entamu LA SIDRA 158
Uncategorised

Entamu LA SIDRA 158

Entamu

Escomencemos esti mes con bones perspeutives, la presencia de la sidre en Madrid Fusión y n’Enofusión reivindicaron nuevamente, y con fortuna, la categoría del productu, aidando a superar esi tracamundiáu complexu que faía pasar a la sidre como hermana probe del vinu.

Importante llabor de dignificación a la que tamién contribuyó la presencia en FITUR, y de forma bien significativo la presentación -por fin- de la marca “Sidreríes d’Asturies. Calidá natural”. Cierto que lo normal sedríe faer la presentación inicial nel nuesu país, darréu que l’interés principal d’esta marca de calidá tuviera de ser pa los asturianos, y ye una custión de llóxica faer primero la presentación en casa que fora, pero entá asina, y magar esta nueva amuesa de falta de sensibilidá para colo asturiano que carauteriza al “Principado”, hai que reconocer que la presentación en FITUR resultó un auténticu ésitu y contribuyó de forma notable a esa dignificación de la sidre que mos resulta tan necesario.

Otru ésitu rellevante foi la entrega de premios del X Concursu Semeyes LA SIDRA y la naguración de la esposición. La so reconocencia oficial pola Federación Estatal de Fotografía, la calidá de les semeyes presentaes, la orixinalidá y l’alta participación asítienlu nun planu de referencia que validen la so importante contribución a la cultura asturiana de la sidre.

Nun podemos tampoco dexar de mentar el nuevu impulsu de la DOP Sidre d’Asturies, non solo polo que supon pa ella la nueva marca de Sidreríes d’Asturies, onde se garantiza necesariamente la so presencia, sinón porque too paez indicar que va procedese a la necesaria ampliación de les races de mazana asturiano reconocíes pa la mesma. Ye necesario, ye un pasu importante.

Y al mediu plazu yá tenemos en perspeutiva la prósima naguración de la temporada sidrera, cola Primer Sidre l’Añu, y el yá míticu Sidracrucis. Sí, esti añu les coses paecen pintar bien.

(Visited 1.274.299 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies