Inicio > Uncategorised > Entamu LA SIDRA 155
Uncategorised

Entamu LA SIDRA 155

Entamu

Payares ye’l mes de la mazana, cuando suel pañase, cuando los llagares escomiencen a mayar y van llenándose tinos y toles cola sidre’l duernu. Asina mesmo ye tiempu d’amagüestos, el maraviosu ritual nel que la sidre comparte protagonismu con esi otru productu tan nuesu comu ye la castaña, y que tien en Gascona una de les sos más destacaes representaciones.

Ye per ende bon mes, y les noticies que lu acompanguen van nesa direición.

En primer llugar hai d’aplaudir l’alcuerdu unánime de la Xunta Xeneral del “Principado” favoratible a la nuesa bébora patria, aprebando midíes pa da-y puxu y pa torgar la discriminación de que sistemáticamente ye oxetu per parte de los medios de comunicación estatales, qu’avecen obviala en beneficiu del vinu y el cava. Yera preciso y ye daqué que nun mos esperábemos d’una istitución que fasta la fecha siempres fexo públicu despreciu de la sidre, por exemplu colos sos brindis oficiales con “vinu español” y la probitú de los sofitos al seutor.

Ye cierto que’l “Principado” ye una istitución de mui escasu ámbetu competencial, dictada dende Madrid y qu’enxamás nun se mos permitió refrendar a los asturianos, pero agora mesmo ye lo único que tenemos, y ye la so obligación defender los intereses d’Asturies, y cuando lo fai, comu ye’l casu cola Proposición Non de Llei que vienen d’aprebar unánimemente, hai que felicitalos y esperar que dichu alcuerdu tea una espresión práutica.

Per otru llau, dende LA SIDRA continuamos faciendo “Sidrocoles” per tol país, una esperiencia d’espardimientu de la cultura asturiana de la sidre ente los neños y neñes asturianos que non solo resulta pergratificante, sinon qu’adicamos como da los sos frutos, consiguiéndose tresmitir una idega munchu más rica de lo que ye la sidre, y sobro too de la cultura asturiana de la mesma xenerada al so alrodiu. L’exemplu prosperó y ca vegada ye más avezao la rialización de mayaes populares, tantu n’escueles como en fiestes y cellebraciones varies. Ye importante.

(Visited 2.466.633 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies