Inicio > Uncategorised > Entamu LA SIDRA 153
Uncategorised

Entamu LA SIDRA 153

Entamu

Nun mos falló setiembre como mes sidreru, y, si se cumplen les previsiones y visítamos l’augua entá vamos tener una bona collecha de mazana, anunciu de bona sidre y esperanza d’allegría.

Un mes que termina col eventu sidreru más internacional y más orixinal de los munchos que tienen llugar nel nuesu país: el Salón Internacional de les Sidres de Gala –SISGA que nesta la so yá sesta edición va cuntar cola participación de llagareros de toa Europa. D’Estonia a Por tugal y de Suecia a Canaries. Una ocasión única que mos dexará tastiar les meyores y más evolucionaes sidresque s’atopen nel mercáu.

Y ta’l seutor sidreru asturianu esmolecíu porque paez ser que grandes empreses españoles quien apostar con fuercia pol mercáu de la sidre, especialmente la natural, y tarrezse que llogren desplazar del mercáu español –del asturianu non, ye nidio- a la nuesa sidre. Ye una menacia rial, y muncho más cuando la única rempuesta que sal del seutor ye centrase en reivindicar la más que duldosa propiedá del tipu de botella de sidre asturiano como factor diferencial. Nun se fala de calidá del productu, d’estratexes de distribuición, d’esportación, de sinerxes con empreses agroalimentaries asturianes…. Non, lo único importante paez ser la botella.

Por si fora poco, la sidre vasco ta a puntu d’algamar una Denominación d’Orixe propia, y ende’l que paez taramellase ye más bien el mercáu internacional. Bramente esta acreitación de calidá pa la sidre vasco va incidir positivamente nel so desendolcu, y los llagareros asturianos faen bien n’esmolecese, especialmente polo que toos sabemos, porque ellos tienen un gobiernu propiu que defende lo suyo, y nós un “Principado” que desprecia tolo asturiano, talo como tienen ocasión de recordamos en ca cellebración oficial con “vinu español”. Un “Principado” arciáu en faer de Asturies un barriu de Madrid ye un lluxu que nun mos podemos permitir, salmos bien caru. A la sidre tamién, ye nidio.

Pela nuesa parte acabamos de llegar del Rigtig Cider danés, tamos entamando’l VI SISGA, y yá tenemos confirmao la nuesa participación nel Sicera 2016 italianu. Nun folgamos. Puemos l’amor a la sidre.

(Visited 1.274.294 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies