Inicio > Uncategorised > Entamu LA SIDRA 151
Uncategorised

Entamu LA SIDRA 151

lasidra151ENTAMU

Ná meyor pa la sidra qu’un branu tan calidu y soleyeru comu’l que tamos gociando. Sidreríes, merenderos, romeríes y fiestes de tou tipu ufiértenmos una estupenda oportunidá pa esfrutala, tantu más cuandu la sidre d’esti añu ye de tan bona y contrastada calidá.

Y hai bones noticies, porque’l cambiu timón na DOP paez anunciar novedaes interesantes y un nueu impulsu a esta marca de calidá que, ente otres cualidaes, facilita la pervivencia del seutor agrícola asturianu. Vaiga por tantu la nuesa norabona a la nueva direición, y esperemos que se cumplan les meyores espeutatives.

Per otra parte, el Festival de la Sidre de Nava tornó trunfar un añu más, y les piqueñes anovaciones qu’adulces van incorporándose suponen un toque d’aire fresco cara a la necesaria actualización del eventu. Nava llidera esti tipu d’eventos y d’ella espérase la so revitalización y desendolcu.

Lo que nun va tan bien ye’l Muséu de la Sidre. Mientres se repasen vieyos ya indesplicables erros y defeutos, la so situación económica ye ca vuelta más precaria y nun paez que’l “Principado” vaiga a asumir les sos responsabilidaes. Nun puede esperase muncho d’una istitución que cunta con recursos pa lo ayeno y escatima pa lo propio, pa lo asturiano, y nestos momentos podemos afirmar con práutica certidume que tamién aparcaron en vía muerta la candidatura pa la UNESCO. Son asina.

Y van averándose nueves convocatories, Navia tresna’l so festival y Xixón va cellebrar a finales d’agostu la Fiesta de la Sidre. En setiembre el Salón Internacional de les Sidres de Gala, el más internacional de los nuesos eventos sidreros va trayer a Xixón lo más novedoso y orixinal que se ta faciendo n’Europa. Per mediu cientos y cientos de fiestes y romeríes onde la sidre ye principal protagonista: les piragües, el xiringüelu, San Timotéu, El intercélticu d’Occidente, El Pote. Toa Asturies báñase en sidre y a los amantes de la nuesa bébora patrio fáltenmos hores pa esfrutala tolo que quinxéremos.

(Visited 745.808 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies