Inicio > Uncategorised > Entamu LA SIDRA 143
Uncategorised

Entamu LA SIDRA 143

ENTAMU

El Salón Internacional de les Sidres de Gala superó les sos propies espeutatives y consiguió que per unos díis Xixón seya la capital sidrera d’Europa ufriendo a los asturianos la posibilidá de conocer y esfrutar de les estremaes variedaes de sidres de gala que se producen nel nuesu continente, cola participacion de los llagares más anovadores y de mayor calidá.

Mención espresa merecen los llagareros asturianos, con una perdestacada presencia de toos ellos, y cuyos productos fueron especialmente gallardonaos colos premios SISGA’15 pol xuráu internacional, comu ye’l casu de Cortina, Riestra, Panizales, Mayador, Viuda de Angelón, Norniella y la Casería San Juan del Obispo. 

Comu concluxón valoróse la necesidá de la sidre d’evolucionar y acupar nuevos y más dinámicos espacios y mercaos, y la urxencia de que la sidre cunte con una normativa europea común que permita aceder a les aídes y sovenciones de la X.E., talu comu ocurre col vinu.

Per otru llau, el conflictu ente los collecheros de mazana y los llagares continúa engafentándose, pero nun acaba dase una reflexón compartía ente les partes interesaes p’algamar puntos mínimos d’entendimientu. Pel nuesu llau repitímoslo n’anteriores ediciones, trátase d’utilizar un conceutu honráu d’asturianía, pa too y pa toos, de soberanía alimentaria y de recuperanza del texíu socio-económicu asturianu, apostando pola materia prima que producimos equí.
En términos asemeyaos, lo que ta ocurriendo col Muséu de la Sidre de Nava ye pergrave, amuesa d’incapacidaes y de falta de sofitu istitucional a un proyeutu nel que debiere esistir un consensu dafechu, otru tantu podríemos dicir de la declaración de la cultura asturiana de la sidre comu padrimoniu imaterial de la humanidá pola UNESCO, de la que ná se sabe y ná s’espera.
Pelo demás, averense les navidaes, y ye bon momentu pa escomenzar a camentar en recuperar la sidre axampanao, dulce o brut, nes nueses meses y cellebraciones y pa continuar desixendo al “Principado” que faiga otru tantu y s’escaeza definitivamente del so vergoñante “vino español”

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 2.668.210 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies