Inicio > Cultura sidrera > ¿En qué s’estrema la sidre d’espolleta de la sidre axampanao?
Cultura sidreraDellosSin categoría

¿En qué s’estrema la sidre d’espolleta de la sidre axampanao?

En principiu, habría que definir lo que ye la sidre axampanao, porque en munches ocasiones considérase sidre axampanao a sidre con carbónicu seya esti endóxenu –de produición natural- o esóxeno –amiestao-. De fechu, en munches ocasiones califícase como sidre axampanao a lo que nun ye más qu’un amiestu d’augua, concentráu de mazana, zucres, y carbónicu.

Si falamos con propiedá, sidre xampanizao ye la sidre ellaborao siguiendo’l procesu champenoise, y podríemos dicir que:

En dambos casos trátase de sidre d’espolleta –en cuantu a que ye sidre esplumoso-, pero respeutu a la ellaboración tradicional asturiana la diferencia atópase en que nel casu del métodu champenoise:

  • Trátase d’una duple formientaura. Pártese d’un vinu de base al que se-y amiesta un formientu y una concentración de zucres -llicor de tiraxe- pa que se produza’l formientando en botella.
  • Llévase la formientación fasta’l final, de tala miente que nun quede zucre residual –anque pueda amiestase nel llicor d’espedición-
  • Pasa per un procesu de clarificación y degüelle, tres el cual amiéstase-y un llicor d’espedición.

Anguañu hai munchos llagares asturianos qu’ellaboren y comercialicen sidre d’espolleta siguiendo’l métodu champenoise, por embargu, entá nun hai dengún que lo faiga siguiendo’l métodu tradicional que ye’l que s’emplega nos más de los llagares caseros, anque hai casos nos que yá se fai tamién siguiendo’l métodu champenoise ya inclusu quien afaya dalguna de les carauterístiques d’esti métodu  -clarificación, degüelle, llicor d’espedición…- como perfeicionamientu del métodu tradicional d’ellaboración de sidre d’espolleta.

Como curiosidá dicir qu’en Francia, xunto al métodu champanoise coesiste’l métodu ancien, ello ye,  ancianu/ antigüu, que se fai identico a la sidre d’espolleta, con namás una formientaura. 

Ello asina sidre d’espolleta ye la sidre con borbolles, esplumoso, bien con carbónicu orixinariu de namás una formientaura -métodu tradiconal-  o bien la que tien el carbónicu como consecuencia de la segunda formientaura -métodu champenoise-

 

¿QUÉ YE LA SIDRE D’ESPOLLETA? / ELLABORACIÓN TRADICIONAL DE SIDRE D’ESPOLLETA / ELLABORACIÓN MODERNO DE SIDRE D’ESPOLLETA / SIDRE D’ESPOLLETA VERSUS SIDRE AXAMPANAO

(Visited 2.466.257 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies