Inicio > AS > Noticies > En marcha una especialidá formativa de sidre
Noticies

En marcha una especialidá formativa de sidre

El CIFP Hostelería y Turismu d’Asturies lleva meses redautando un borraor pa ufiertar la entitulación y cunta col sofitu de la DOP.

LA SIDRA.- Na edición númberu 159 de la revista LA SIDRA qu’acaba asoleyáse, llamó l’atención una entrevista na que se desplica qu’el CIFP d’Hostelería y Turismu de Asturies ta redactando un proyeutu pa ufiertar una especialidá formativa en sidre. Ello ye, una entitulación de camareru especialista na nuesa bébora patrio. Ún de los responsables de redautar esti borraor ye Juan  Luis García, profesor téunicu de FP en servicios de restauración y xefe d’estudios del citáu cientru. Elli desplica que nel CIFP impartiánser dos ciclos formativos na especialidá de Servicios, que son: Ciclu Formativu de grau mediu de Servicios en Restauración y Ciclu formativu de Grau Cimeru de Direición de Servicios en Restauración. En dambos esiste’l módulu de chigre-cafetería onde s’estudien toles bébores alcóliques y non alcóliques estremaes al vinu. Y ye ende onde s’inclúi a la sidre.

 

Amás, amiesta García, dende va tiempu tán trabayando na especialidá de sidre. “Llevamos yá dos meses redautando’l borraor. Ye un entítulu específicu p’Asturies –pel momentu– pa toes aquelles presones en situación de desemplegu o que quieran formase, puedan deprender el serviciu de sidre. Nel borraor que tamos redautando falamos –ente más coses– de la mazana, de les distintes sidres cola normativa actual, serviciu y tratamientu de la sidre natural y de los otros tipos, analís organolépticos de les sidres, fiches de tastia, incluyimos un módulu específicu de la DOP y vemos en qué consiste la llexislación tocántenes a la sidre y de la marca Sidreríes d’Asturies Calidá Natural. Vamos presentalo nel Serviciu Públicu d’Emplegu Estatal, y si s’apreba, vamos ufiertalo”.

Darréu entruguémos-y cuándo va poder ser ufiertáu, a lo que’l profesor respondió: “Lleva’l so tiempu, pero esperamos que pal cursu 2017- 218. Nun lo sabemos con esactitú, eso nun ta de la nuesa man yá que una vegada presentáu’l proyeutu, tien de pasar peles alministraciones pertinentes pa la so aprebación. Hai de destacar que nesta especialidá formativa va ser importante l’echáu, pero tamién tolo demás qu’enzarra la sidre: cómo s’ellabora, cómo se trata, les estremaes tribes qu’esisten, la so tastia…. Ye una formación integral. Y amás tamos siendo sofitaos pola DOP, ye fundamental cuntar col so sofitu. El Conseyu Regulaor ve qu’esta formación ye necesario”.

(Visited 2.465.611 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies