Inicio > Chigres > En Danny’s amplia ufierta y sidre curioso
ChigresChigresEncamientos

En Danny’s amplia ufierta y sidre curioso

Tres dellos años d’esperiencia n’hostelería, Daniel Alfaro decide abrir el so propiu negociu, al pie de la so muyer Dana Nicoleta, la cual apurre al negociu una amplia esperiencia nos fogones. Ufierten un ampliu y variáu menú diariu que consta d’un entrante, trés primeros y trés segundos a escoyer, postre, bébora y al café convida la casa. Les fines de selmana tamién mos ufierta menús afechos a la festividá.

LA SIDRA.- Entrugamos-y a Dana qué especialidaes tien y coméntamos que la xente demanda enforma los pexes procurando ellaboralos siempres en temporada, siendo agora dómina del bonitu con una esquisita ventrisca a la chapa o la llubina ellaborada al llombu o al fornu, el pixín amariscáu con andariques, gambón, muxones y amasueles. De destacar el pexe tresnáu a la sidre como la merluza o les llámpares, estes postreres tamién al ayu. En tan amplia carta nun puen faltar les carnes, con una gran variedá de cachopos ellaboraos nel momentu con xata, quesos asturianos, xamón, cecina etc. pa ufiertar al veceru fasta cinco variedaes de los mesmos. Los chuletones a la piedra, la picaña, el entrecot, etc. Reparamos qu’en carta hai una gran variedá de tapes y raciones pal picotéu.

La sidre ye considerada como una seña d’identidá nel negociu, asina búscase siempres una bona temperatura y un bon echáu de la mesma y ufiértase-y al veceru una interesante variedá de palos, Cabueñes, Viuda de Angelón o la DOP Prau Monga, p’asina intentar satisfacer el gustu de tolos veceros y amigos.

 

Danny’s, sidrería. San José 9. Xixón T: 984 84 33 10

(Visited 2.466.850 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies