Inicio > Chigres > El Mesón de Furacu, travesía gastronómica
ChigresChigresEncamientosEncamientosGastronomía

El Mesón de Furacu, travesía gastronómica

Falar del Mesón de Furacu en Corvera ye sinónimu de gayola, de bon ambiente, de bona sidre y bona xente; y tamién de bona gastronomía. Yá cuando ún entra, el presonal recíbete con una sorrisa, cosa d’agradecer, con amabilidá y profesionalidá, seya pa un almuerzu, pa un café o una botella sidre, cellebraciones o xintes del díi ente díi.

Al timón de la “nave” Roberto Mesa y Rosana López, son los que s’encarguen de que la nuesa travesía gastronómica seya memorable. Escueyen los meyores productos pa ellaborar na so cocina unos platos que nun dexen indiferente. Bona preba d’ello son los cachopos, nos que son especialistes, y son perafayaízos pa compartir. Destaquen tamién les propuestes que siempres van d’alcuerdu a la temporada, como les tapes con sidre; la carne ye especial, con un Angus espectacular, y amás pues escoyer cómo te la tresnen: a la parrilla, a la chapa o al caricós.

Siempres que la mar done les sos ayalgues, pexe y mariscu del Cantábricu, de la rula d’Avilés lleguen a los fogones de Furacu, pa deleite de tolos pasaxeros del navíu.
Si lo que queremos ye sidre, equí nun falta’l bon faer de la casa, sidre como Viuda de Angelón, Trabanco d’Escoyeta y Prau Monga, son los palos qu’agora mos propón Roberto. Y como nun podía ser d’otra miente, los postres son caseros, tradicionales y con tol ciñu y bon faer del equipu cocina.

Avisu a navegantes de la gastronomía, la nave de Mesón de Furacu, fadrámos esfrutar d’una esperiencia que de xuru repetiremos.

 

EL MESÓN DE FURACU. 1º Mayu 3. Les Vegues. Corvera T: 984 83 29 51

 

(Visited 2.464.929 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies