Inicio > Chigres > El Sauco cellebró’l so 40 aniversariu
Chigres

El Sauco cellebró’l so 40 aniversariu

Cientos de presones festexaron per tolo alto les cuatro décades d’esta emblemática sidrería.

LA SIDRA.- “Ensin vós nun sedríe posible!!” Afirmábalo asina El Saúco n’ún de los cartelos nel que s’invitaba a tolos sos veceros a cellebrar el so 40 aniversariu. El 4 d’ochobre esti emblemáticu chigre xixonés cumplía cuatro décades d’esistencia, y cellebrólo per tolo alto. A les seyes de la tardi tuvo llugar una actuación pa los más piqueños de la casa.

El Mago Loco fexo diversos trucos énte la sollerte mirada de neños y neñes qu’enllenaben la terraza del llocal. Haza les 19:00 hores tola cai Valencia -onde s’asitia l’establecimientu- taba yá apinada de xente. Impresionante la cantidá de presones que quinxeron dar la norabona a El Saúco, incluyÍo, por exemplu, el conceyal de Turismu, Esportes, Festexos y Xuventú de Xixón, Jesús Martínez Salvador asina como otros miembros de la corporación de conceyu.

El Saúco quinxo que los sos veceros lo pasaren en grande. Y vaya si lo algamó col conciertu d’Assia. Esta agrupación ye sinónimu de qu’ún va pasalo más que bien ya qu’amás de ser unos grandes intérpretes, coquen cancios pa tolos gustos y públicos, y son un ésitu aseguráu en toa fiesta. Porque esto yera una braera fiesta, de fechu, varios neños y neñes entrugaron a los sos pas “¿Qué fiesta de prau ye esta?”.

La folixa duró tola nuechi mentes la sidre corría asgaya. Porque esta triba de cellebraciones, amás de ser inegables manifestaciones de que la cultura sidrera ta más viva que nunca, tamién falen de la importancia que tienen los chigres na nuesa sociedá, sedríe impensable ver esta triba de festexos, apinaos d’allegría, notra triba de llocales. La sidre xune, ye una bébora social, y ello queda más qu’espeyao nestes cellebraciones.

(Visited 2.464.559 times)
Compartir

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies