Inicio > Chigres > El quesu que surdió de la magaya
ChigresGastronomíaLlagaresTasties

El quesu que surdió de la magaya

Quesería Artesanal de Pravia llanza al mercáu’l primer quesu ellaboráu con magaya de mazana de sidre.

LA SIDRA.- Quesería Artesanal de Pravia, tamién conocía como Rey Silo, xunióse al Llagar El Gobernador pa ellaborar un nueu conceutu de quesu: el Massimo de Rey Silo, afináu con magaya de mazana.

Pa ello utilicen un quesu de lleche cruo que, en maureciendo demientres cinco meses, introdúzse nun tonel enllenu magaya de les races Xuanina y Regona y séllase pa torgar que se volatilicen los arumes.

La magaya vien de la mazana pañao pol Llagar El Gobernador de Villaviciosa y que, una vegada conxelada en saliendo de la prensa, desconxélase pa ser utilizada col quesu. El mugor propiu de la fruta alteria la testura y la cremosidá del quesu, apurriéndo-y arumes acedos y saborgos frutales.

Les primeres pieces, que se pondrán a la vienta  n’Asturies n’unes selmanes, yá fueron unviaes a los Estaos Xuníos, a pidimientu del cocineru mierense Jose Andrés.

(Visited 2.465.707 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies