Inicio > AS > Noticies > El “Principado” prohibe canciar
Noticies

El “Principado” prohibe canciar

Canciar y tocar la gaita sigue tando prohibío nos chigres asturianos, salvo que se dean d’alta como tablaos flamencos.

LA SIDRA.- El “Principado” perafítase na so llei d’espeutáculos públicos que prohibe que nos chigres asturianos se dea la música en direutu, ello ye, el tradicional canciar y tocar la gaita, anque da la posibilidá de que puean faelo si se dan d’alta como tablaos flamencos, esceición que recueye la mencionada llei del “Principado”, de xuru qu’un calcu de la que-yos mandaren redautada direutamente dende Madrid, dao que n’Asturies, fasta agora, nun esiste dengún establecimientu d’eses carauterístiques.

El casu ye que con semeyante llexislación, y la neciura en reconsiderar lo evidente y ser consecuente cola declaración de la cultura asturiana de la sidre como Bien d’Interés Cultural, col debíu respetu a espresiones como la música, el “Principado” sigue prohibiendo la música en direutu cola esceición de los tablaos flamencos, colo que toles xornaes de “cancios de chigre”, de destacar les de Noreña, Sieru y Gascona n’Uviéu, siguen na illegalidá dafechu, sacántenes la mencionada posibilidá de que se cellebren en tablaos flamencos.

Y ye que’l “Principado” -istitución impuesta dende Madrid y qu’a los asturianos nun se mos permitió votar, nun lo escaezamos- paez tener les sensibilidaes cambiaes, y al empar que-y molesta tolo que seya asturiano, considera y defende too aquello qu’engabite a faer d’Asturies un barriu de Madrid.

(Visited 2.466.407 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies