Inicio > AS > Eventos > El Martiniegu de La Gascona
Eventos

El Martiniegu de La Gascona

Nel bulevar de la sidre carbayón entama güei y fasta’l domingu 23, el Samartín

Acércase’l tiempu de matanza, de Samartín, de mendongu, tiempu de fríu.En La Gascona adelantámonos, y yá’l díi 20 toles sidreríes del bulevar van entamar les xornaes del Samartín. Menús y tapes feches con productos artesanos d’Asturies que tienen como protagonista principal al gochu. Estes xornaes rematen el domingu 23 con “El Martiniegu” .

El Martiniegu de La Gascona va ser una mañana de folixa onde van freíse unos kilos d’un picadillu riquísimu presentáu nuna cazuela artesana de barru, con una chapata recién fecha y un tenedor, por solo tres euros.. Esti picadillu y una montonera productos de la matanza tamién van tar a la venta nos diferentes puestos que se van poner pel bulevar pa que podáis llevalos pa casa. Chorizu, morciella, tocín, llombu, picadillu, sabadiegu, choscu…y too de la man del propiu artesanu que lo ellabora.

 

De magar les 11 la mañana yá vas poder disponer de tolos productos del gochu que se pondrán a la venta y de magar les 12 del meudíi va tar amañáu’l picadillu Martiniegu qu’acompangao d’unos culetes de sidre y cola música tradicional de la Bandina Los Gascones van facer que la mañana del domingu seya diferente y divertía. Apunten nes axendes!!

(Visited 2.466.597 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies