Inicio > AS > Noticies > “El Llagar” torna a la Xunta tres la so restauración
Noticies

“El Llagar” torna a la Xunta tres la so restauración

El Padremuñu artísticu nacional ta de norabona tres la vuelta al Palaciu de la Xunta Xeneral del emblemáticu cuadru “El Llagar”, del pintor Mariano Moré (1899-1974).

LA SIDRA.- El cuadru presentaba un deterioru importante y los trabayos de restauración, a cargu de Bernardo Díaz Gonzalez, tornáron-y los sos collores y llume orixinales, perdios pel pasu’l tiempu.

El notable tamañu de la tela -170 x 222 centímetros- fizo aconseyable que fuere restaurada na mesma sede parllamentaria, tres de lo que vien de tornar a la sala Argüelles, onde tien davezu’l so sitiu,  al par de tres cuadros más, un d’Evaristo Valle otru de Nicanor Piñole y un terceru, tamién de grandes dimensiones, firmáu por José Ramón Zaragoza.

 

Esti llenzu forma parte de la colleición artística del Palaciu dende la so compra pola Diputación Provincial en 1950, y del patrimoniu artísticu del que ye responsable’l Parllamentu Asturianu. Llamentablemente paez ser que el “Principado” nun tien presupuestu pa entamar cola restauración de tolos cuadros que lo precisen, asina que per agora “El Llagar” y  “La plaza d’Europa” de Piñole, son les úniques obres escoyies pa la so restauración.

Menos suerte tendrá’l cuadru “Pueblu en fiesta” d’Evaristo Valle, en tal mal estáu –aparentemente repintáu perriba- que nin siquiera se va a intentar restaurar.

La figura de Moré sedrá recuperada amás con una biografía na que trabaya l’hestoriador del arte Juan Carlos Aparicio y qu’editará la Fundación Alvargonzález.

(Visited 2.464.547 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies