Inicio > Eventos > El llagar surafricanu Sxollie tamién participará nel SISGA’17
EventosInternacionalSISGA

El llagar surafricanu Sxollie tamién participará nel SISGA’17

Confírmase’l calter ca vuelta más internacional del eventu, qu’esti añu cuntará con presencia xaponesa y surafricana.

LA SIDRA.- La  sétima edición del Salón Internacional de les Sidres de Gala sedrá ensin dubia la más internacional de toles ediciones darréu qu’à l’avezada participación europea esti añu amestaráse la xaponesa (llagar Tamura) y la surafricana (llagar Sxollie), y tovía ta pendiente dalguna qu’otra sospresa que diremos confirmando.

Esti postrer llagar, el de Sxollie, ye de Ciudá del Cabu y ellabora una sidre con mazana del so país, formientao en tinos d’acieru inosidable con dieldu de xampán, con  un corcháu percuriáu y discreta carbonatación que dan como resultáu “una sidre llixera, fácil de beber que captura la sencia de la fruta”

El llamativu mosaicu “X” que se ve al traviés de la botella inspírase nos diseños de cerámica d’África meridional, pero tamién ufre un guiñu a los raigaños afroamericanos na selva urbana”que reivindiquen como filosofía.

(Visited 2.464.849 times)
Compartir

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies