Inicio > Eventos > El Cogollo de la Descarga, meyor cachopu d’España 2019
EventosGastronomía

El Cogollo de la Descarga, meyor cachopu d’España 2019

L’establecimientu madrilanu gana’l campionatu de La Guía del Cachopu, seguíu pela tabierna La Charca, tamién de la capital española; y per La Bodega de Miguel de Xixón

LA SIDRA.- El cachopu llega ca vegada a mayor númberu de meses de tol territoriu del estáu. Añu tres añu increméntase’l númberu establecimientos que s’animen a participar nos certames que tienen como platu estrella la ellaboración asturiana. Nesta ocasión foi El Cogollo de la Descarga, asitiáu na cai de las Hileras de Madrid, el que s’impunxo a 83 restoranes asturianos que participaron nel certame xunta a 33 madrilanos y otros 18 del restu del Estáu español.

El segundu llugar foi pa la tabierna La Charca, na cai Juan Álvarez Mendizábal de Madrid; y el tercer puestu recayó en La Bodega de Miguel, esta sí, patria, yá que s’atopa na cai Dindurra de Xixón. Hai de mencionar que’l concursu cunta cola collaboración de Sidra Cortina, de la revista LA SIDRA, Carniceríes Berdasco, Bodegas Vetusta, ente más patrocinaores qu’asistieron ayeri a la gran final cellebrada nun hotel de Madrid.

El tribunal cuntó con especialistes nesti platu asturiau. El primeru d’ellos, el direutor de La Guía del Cachopo, Nacho Gancedo; tamién Luis Alberto Montila, de la revista LA SIDRA, Patricia Tabaldo, d’El Comidista; María Peñalber, d’El Confidencial; Lucía Domínguez, de Madrid Secreto; y l’hosteleru José Rodríguez.

Como ca añu anovóse nes presentaciones y nos rellenos. Nesta edición los cachopos llevaren confitura de figos, panceta asturiana, nueces, choscu de Tinéu, Gochu Astur Celta; anque tamién los clásicos siguen trunfando como’l de xamón y quesu, el de cecina y quesu cabra o’l de setes.

(Visited 656.269 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies