Inicio > Tasties > II Xornaes sobro la sidre y los sos derivaos
Tasties

II Xornaes sobro la sidre y los sos derivaos

Les xornaes cellebraránse’l 4 payares y el 16 d’avientu nes Escueles de Feleches.

LA SIDRA.- El Clú Sierense Amigos de la Mazana (CSAM) va entamar dos xornaes sobro la sidre y los sos derivaos enantes de final d’añu.

La primera va tener llugar esti sábadu, 4 de payares, de magar les 10.00. Nella repasaranse los aspeutos más importantes del cursu d’ellaboración de sidre casero impartíu por Jose Antonio Norniella en marzu y va rematar con un intercambiu d’esperiencies ente los participantes.

Darréu, va realizase un taller d’ellaboración y tastia de sidra dulce “pasteurizada”, va desplicase cómo climatizar un llagar caseru y va encetase la problemática del aguarón-topu. La xornada va finar con un coloquiu final, siguíu d’espicha y tastia.

El sábadu 16 d’avientu tendrá llugar la segunda xornada de magar partir de les 10.00. Va empicipiar con un taller d’ellaboración de sidre de xelu, siguíu d’otru pa la ellaboración d’auguardiente de sidre.

Tamién van tratase temes rellacionaos con sidres esplumoses, el llicor de sidre’l duernu y otros derivaos de la sidre y la mazana como compotes y marmiellaes. A la fin habrá coloquiu, espicha y tastia de llicores y derivaos.

Estes xornaes van ser gratuites pa los socios del CSAM y va tener un costu de 20 € pa non socios.

(Visited 2.464.390 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies