Inicio > Gastronomía > El Clú de Guisanderes d’Asturies en Salón de Gourmets
Gastronomía

El Clú de Guisanderes d’Asturies en Salón de Gourmets

L’asociación defendió nesta feria la cocina tradicional y la tresmisión de la conocencia cola presentación d’un llibru con 160 ellaboraciones cocinaes por 40 muyeres

LA SIDRA.- El Clú de Guisanderes d’Asturies presentó esta tardi’l so nuevu llibru ‘Recetes de les guisanderes d’Asturies’ nel Salón Gourmets de Madrid. Les Guisanderws ufiertaron un ‘showcooking’ nel que tresnaron cuatro de les sos recetes más antolóxiques: callos, caces de gochu, casadielles y fayuelos. Los asistentes al coloquiu pudieron tastiales y refrendar asina’l bon faer d’estes muyeres qu’en 1997 decidieron xunise para da-y visibilidá al llabor de les cocineres asturianes.

Esti gremiu de muyeres que trabaya dende va dos décades en defensa de la cocina asturiana axuntó 160 recetes nun completu llibru onde los protagonistes son los saborgos y los productos de siempres. El Direutor Xeneral de Comerciu y Turismu, Julio González Zapico acompangó nun coloquiu a les cocineres Amada Álvarez Pico, presidenta del Clú; Pili Ramos Rodriguez, de la sidrería Los Pomares de Xixón; ya Ivonne María Corrolada Valbuena, de Casa Telva en Valdesoto. Tamién a les guisanderes Teresa Camacho, del Chigre Camacho, Lydia Vázquez Llagu, Annalisa Lusu de La Tabierna Salcedo; y Maite Fernández García, de La Costana; que formen parte de los citaeo establecimientos, toos d’Uviéu.

La charra encetó temes como la defensa del productu de cercanía, la importancia de poner en valor el recetario al traviés de los llibros o les estremaes versiones d’una mesma receta en función del pueblu d’Asturies nel que s’ellabore. La presidenta del Clú, Amada Álvarez, señaló que “ye bien importante para los asturianos” amosar la gastronomía tradicional fora de Asturies, pa , precisamente, vender Asturies. “Apostamos polos Alimentos del Paraísu que representen perfechamente los nuesos raigaños y tradiciones” aseguró.

(Visited 2.465.589 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies