Inicio > AS > Noticies > El Barriu la Sidre na FIDMA
Noticies

El Barriu la Sidre na FIDMA

Un establecimientu representando a l’asociación púnxose na Feria Internacional de Muestres d’Asturies per primer vegada.

LA SIDRE.- Les sidreríes La Pumarada, El Nuevu Carru, El Sauco, Casa César, El Llabiegu y Parrilla Antonio, que conformen l’asociación d’El Barriu la Sidre, punxeron per primer vegada un establecimientu na Feria Internacional de Muestres d’Asturies. “Pa ser el primer añu tamos teniendo una gran aceptación. Namás que la xente ve’l stand, saben que somos los del Barriu d’El Llanu. Dícente ‘Home, punxístisvos equí’. Na asociación del Barriu de la Sidre fiximos un esfuerzu d’organización pa poder llegar a faer esto y ta funcionando perbién” siñala Arturo Suárez, propietariu de la Pumarada.

La sidre qu’atopamos nel stand ye la del llagar Castañón, la so DOP Val de Boides y el vermú de sidre Roxmut. “Que la sidre se vea na FIDMA, que ye la principal feria que tenemos n’Asturies ta perbién. “Equí la sidre taba un pocu esapaecía, y qu’agora se dexe ver ye una meyora. Y que vaya a más” dixo Julián Catañón del citáu llagar.

Llueu, na Fiesta de la Sidre de Xixón, El Barriu de la Sidre va tener la so stand n’otru de los puntos neurálxicos de la ciudá, L’Humedal.

(Visited 2.465.966 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies