L’aumentu d’un 20% nel presupuestu promocional de la DOP supón un amenorgamientu de tases pa llagareros y pumareros.
LA SIDRA.- Ayeri vienres cellebróse una nueva comisión del Conseyu Regulador DOP Sidre d’Asturies en Villaviciosa.
Nella aprobóse un presupuestu de más de 500.000 euros, 300.000 más que l’añu anterior destináu a promocionar la marca DOP, asina como un amenorgamientu de les tases, alrodiu d’un 37%, que paguen los llagareros.
Esto débese al xorrecimientu de productores, yá que se pasó de 21 llagares a 31, lo que supón un menor aporte per parte de caún.
Tamién s’afitó un Plan Estratéxicu pa los próximos meses, que pasa pola potenciación del sector hosteleru y d’alimentación en grandes superficies, asina como la so presencia en feries como Madrid Gourmet y Alimentaria.
En 2017 la DOP Sidre d’Asturies procesó cuasique siete millones de quilos de mazana, y espérase que la produición siga xorreciendo demientres esti añu.
