Inicio > Cultura sidrera > Diplómense nueve presones n’echar sidre p’aumentar les sos posiblidaes d’inserción llaboral
Cultura sidrera

Diplómense nueve presones n’echar sidre p’aumentar les sos posiblidaes d’inserción llaboral

Formárense tamién como profesionales del tratamientu de sidre y meyoraren les sos competencies p’aceder al emplegu de forma “estable y duraero” siñala la ONG Aición escontra la Fame

LA SIDRA.- Nueve presones desemplegaes de la Contorna la Sidra ampliaren les sos posibilidaes d’inserción llaboral dempués de diplomase en ‘Tratamientu y echáu de sidre’ al traviés d’un cursu impartíu pola Asociación pal Fomentu de la Sidre Tradicional Asturiana. L’actu d’entrega diplomes cellebróse’l 4 febreru nel Llagar de Roza, en Nava.

El cursu formó parte de les actividaes del proyeutu Vives Emplea (www.vivesemplea.org) que la ONG Aición escontra la Fame desendolca n’Astries p’aumentar les oportunidaes llaborales de presones en desemplegu y en situación vulnerable.

En Vives Emplea, con una duración de 5 meses, estes presones alquirieron les competencies treesversalesw que nesti intre reclamen les empreses, como’l trabayu n’equipu o la flesibilidá; actualizaren el so conocimientu y remanamientu de ferramientes pa guetar trabayu y aumentaren l’enfotu y seguranza en sigo mesmes.

El cursu de Tratamient y echáu de sidre’ aumenta les sos posibilidaes d’atopar emplegu al preparales como echaores de sidre, una profesión con demanda xorreciente de man d’obra n’Asturies.

“Si queremos amenorgar la tasa paru ye imprescindible preparar a les presones desemplegaes pa responder a lo que demanda’l texíu empresarial del so alrodiu”, desplicó Paloma Gallego, xestora d’Aición escontra la Fame n’Astsuries, qu’anunció que nes selmanes vinientes arrincarán les siguientes ediciones de Vives Emplea n’Asturies, con capacidá pa 125 presones.

Esti proyeutu ta finaciáu pol Fondu Social Européu y la Obra Social “la Caixa” y cunta cola collaboración del Ayuntamientu Cabranes. Hai de siñalar qu’Aición escontra la Fame ye una organización humanitaria internacional que llucha escontra les xides y los efeutos de la fame. Salva la vida de neños y neñes desnutríos. Garantiza a les families acesu a augua seguro, alimentos, formación y curiaos básicos de salú. Trabaya tamién pa lliberar a neños muyeres y homes de la menacia de la fama. Nel Estáu español trabaya escontra’l desemplegu y pola incluxón sociollaboral de presones con dificultaes d’acesu al mercáu de trabayu.

 

(Visited 2.464.296 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies