Inicio > AS > Noticies > Desendolcu Rural va proponer compensar a los productores que caltengan el paisaxe
Noticies

Desendolcu Rural va proponer compensar a los productores que caltengan el paisaxe

La Conseyería anunció esta propuesta y otres más rellacionaes coles pumaraes pa la Sidre d’Asturies DOP.

LA SIDRA.- Nel pasáu salón y presentación de la collecha de la Sidre d’Asturies DOP emitiéronse distintos anuncios rellacionaos con esta marca, que van ser un puntu inflexón dientru la hestoria del seutor sidreru contemporaniu. En dicha presentación, y como yá s’espublizara nesta revista, tamién participó nel actu de presentación la conseyera de Desendolcu Rural y Recursos Naturales, María Jesús Álvarez. Magar ye ciertu que la noticia principal foi la de la incorporación de llagares a la Denominación d’Orixe, tamién pudiemos saber de prósimes midíes pa los collecheros asturianos. Nun hai qu’escaecer qu’ensin mazana d’Asturies, nun hai sidre d’Asturies. Una d’estes propuestes ta rellacionada cola preservación del alrodiu, una aición indispensable si queremos siguir diciendo que tenemos un Paradísu Natural”

 

Haza la fin de la so intervención, la conseyera siñaló: “Nun podemos pretender faer Sidre d’Asturies con mazanes que nun seyan propies d’esti territoriu. Y creemos que les pumaraes son un elementu vertebrador del paisaxe que merez una mayor proteición nesti momentu, nel que les esplotaciones intensives paecen nun cuntar con ello. Por esti motivu queremos poner tol nuesu esfuerzu en caltener lo propio.” dixo y amestó: “Güei tamién ye un díi afayaízu p’anunciar que nel marcu del nuesu Programa de Desendolcu Rural, vamos proponer al so comité de siguimientu y a les autoridaes comuñales, que nel prósimu cambéu del nuesu PDR pueda incorporase una nueva submedida agroalimentaria específica que dexe compensar a aquellos pequeños productores de mazana que la faen respetando y calteniendo’l paisaxe y la cultura llocal, con esos costos adicionales que-yos suponen”.

Coles mesmes la conseyera siñaló la importancia de profesionalizar el seutor. “Tenemos que siguir incorporando nueves races de mazana y esto va dexamos ampliar el rangu de posibilidaes tantu de productores como de llagareros y establecer un mecanismu d’afitamientu pa les variedaes asturianes”. Según distintes fontes, les races que van incorporase van ser alredior de cuarenta, o inclusive más.

(Visited 2.465.904 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies