El xerente de la Finca Gallinal considera que “Nun s’emprestó atención abondo a lo que la mazana supón pal seutor sidreru”
LA SIDRA.- La familia Exner mercó la Finca, allugada na parroquia de Serín, en 2015. De magar entós, centren los sos esfuerzos n’ameyorar la eficiencia de los más de 13000 pumares que tienen, invirtiendo en fradadures intensives, maquinaria y un sistema de fertirrigación p’apangar la vecería
¿Cómo ve la collecha d’esti añu?
Tenemos per delantre una collecha menor que la del añu pasáu, calculamos qu’en redol a un 40-50%, por cuenta de que tenemos zones qu’inda tienen enforma árbol francu con vecería marcada y a que sustituyimos unos 3.500 m2, na que la producción nun llegaba a les 10.000 tonelaes per hectárea, fundamentalmente, debíu al marcu de plantíu variable utilizada para indicar la separación necesaria ente plantes y ente llínees de cultivu– pa llograr ser rentable. Camudar poles mesmes variedaes pero con unos marcos de plantíu más intensivos, retrucando lo que sí nos funcionó n’otres zones de la finca, cola clara intención de que sían rentables. Siguimos na nuesa idea inicial de faer cambeos continuos, tresformando dalguna zona poco granible, llantando otres variedaes y col enfotu de que van retornar nuna mayor producción.
