Inicio > Internacional > Cyser: hidromiel de mazana
Internacional

Cyser: hidromiel de mazana

A diferencia de la sidre, esta refrescante bébora contien miel.

LA SIDRA.- El zusmiu de mazana y la sidre de mazana son bébores bien populares especialmente mientres la temporada de collecha serondiega. Pero, a pesar del fechu de que la sidre de mazana, nel so díi la bébora por escelencia de los colonos americanos, ta esperimentando una renacencia na so popularidá, les mazanes tienen una escasa representación nes bébores alcóliques americanes, si les comparamos cola cerveza o’l vinu.

Quiciabes la razón pola que les bébores de mazana formientá nun se consuman más ye porque los americanos escasamente esfrutaron, o inclusive oyeron falar d’un tipu de bébora alcohólico fecha con mazanes: cyser, o hidromiel de mazana.

L’hidromiel ye un tipu de vinu qu’utiliza miel como fonte principal d’azucre, ente que el cyser ye un particular tipu de hidromiel fechu con mazanes.

L’ hidromiel ye una bébora con una gran hestoria. Los viquingos, gaélicos y celtes escribieron y cuntaron el so amor por esta bébora, a la qu’atribuyíen poderes máxicos y curatibles, y que foi ellaborada en ca continente demientres, siquier, 2.000 años.

Ello ye que esiste la posibilidá de que seya la bébora alcohólico formientá más antigua de la hestoria, superando inclusive a la cerveza.

Anque’l cyser ye bastante pocu común nel mercáu, esta variante de hidromiel fechu con zusmiu de mazana sigue xorreciendo con productores qu’inclusive-y añaden más ingredientes como frutos monteses, xenxibre o canela.

(Visited 2.465.847 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies