Inicio > AS > Noticies > Custionada l’asturianidá del seutor sidreru
Noticies

Custionada l’asturianidá del seutor sidreru

L’apaición d’una campaña publicitaria n’asturianu protagonizada por una cerveza portuguesa llevanta toa triba de crítiques a los llagareros pola so “precaria asturianidá”.

LA SIDRA.- Les Redes Sociales son ca vegada más rápides ya intuitives, y al pocu de conocese la campaña publicitaria n’asturianu dafechu protagonizada por una cerveza portuguesa -Super bock-, son munchísimes les intervenciones entrugando por qué nun fain otru tantu les empreses asturianes, con mención especial al seutor sidreru, al que se considera que pesia reivindicar l’asturianidá del productu, desprecien práuticamente de forma sistemático la llingua d’Asturies, con esceiciones notables comu ye’l casu de L’Allume.

 

Lo cierto ye que si bien hai que reconocer un inxustificable desdexamientu de la nuesa llingua por parte de los llagareros, tantu la DOP “Sidre d’Asturies” comu la “Sidre d’Escoyeta” tienen versión asturiana de les sos uebs, qu’hai dellos llagares que ponen nomes n’asturianu a la so sidre (la postrera d’elles Gallu Pintu), y qu’inclusu hebio llagares que sacaron la etiqueta en llingua asturiana, pero que dexaron de facelo porque’l “Principado” menaciólos con sanciones económiques. Sí ¡El “Principado”! los que teóricamente tienen de defender los intereses asturianos foron los que reprimieron el so usu.

Seya comu quiera, reconózase-y al seutor una cierta sensibilidá pa cola llingua del país, y reconózase tamién la opinión de les RRSS de que l’apegu ye pocu, y que manca la maera que tea que venir una empresa portuguesa a recordamos que somos asturianos, que tenemos una llingua y una dinidá.

(Visited 2.466.048 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies