Los estudios podríen impartise nel 2019
LA SIDRA.- La Facultá de Turismu d’Uviéu, la Cámara Comerciu y l’Asociación d’Hostelería y Turismu n0Asturies firmaren güei un alcuerdu de collaboración pa implantar nel cursu que vien dos máster universitarios rellacionaos con xestión d’empreses de restauración y d’alministración hotelera.
El Master en xestión y planificación d’empreses de restauración ta empobináu a profesionales de la restauración que quieran xestionar el so negociu d’una forma eficiente, como tamién a llicenciaos-graduaos n’áries empresariales con conocimientos gastronómicos y sedrá impartíu nel Campus d’Olloniegu.
Per otru llau, el Máster universitariu n’alministración y direición hostelera sedrá impartíu nel “hotel escuela” de Llanes y tendrá un diseñu “modular” col oxetiu de que l’alunáu pueda “presonalizar” l’itinerariu p’afayalu a los sos intereses. Asina mesmo, les istituciones planteguen l’aniciu d’un Grau en Gastronomía pa 2019 y dea un cursu de mayestru echaor cola fin de dar a conocer la cultura la sidre.
(Visited 2.499.296 times)
