Inicio > AS > Noticies > ¿Cosmopaletismu o aculturización?
Noticies

¿Cosmopaletismu o aculturización?

Un titular apaecíu en La Nueva España despierta la polémica sobro’l cosmopaletismu nel mundiu la sidre y apunta a l’aculturización de la mocedá asturiano.

LA SIDRA.- L’artículu en custión diz “Belén Esteban, de sidras por Mieres”, y apaez firmáu por Julio Vivas, y llóxicamente lo de “de sidras” fexo sangrar los güeyos de munchos asturianos énte semeyante “cazurrada”, -anque más bien trátase d’una madrilañada-, y les redes sociales escomenzaron a furrular.

La denuncia xeneralizada del cosmopaletismu que lleva a llamar “bodegueros” a los llagareros “bodegas” a los llagares “plantaciones de manzanos” a les pumaraes, “culines” a los culinos”, “caldo” pa referise a la sidre y milenta espresiones más asemeyaes, tamién tuvo rempuesta disculpando les presiones del mediu de comunicación, y la posibilidá de que’l periodista nun fuere asturianu, incluso hebio daqué cosmopaletu impenitente quien defendió que lo de “ir de sidras” yera lo moderno, y el futuru, y qu’oponese a ello ye de fatos….

 

Fasta equí lo avezao nesti tipu d’alderiques alrodiu’l cosmopaletismu, pero daquién comentó otra posibilidá: Nun se trata de cosmopaletismu, trátase de que muncha mocedá asturiana yá nun sabe lo que ye un llagar, “dir a tomar unes botelles”, en cuentes de “ir de sidras”, nin lo que ye una pumarada… Asusta pensalo!!

(Visited 684.931 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies