Inicio > Encamientos > Convocáu’l XI Salón Internacional de les Sidres de Gala – SISGA’21
EncamientosEventosGastronomíaLlagaresSidreturismuSISGATasties

Convocáu’l XI Salón Internacional de les Sidres de Gala – SISGA’21

Entamáu pola Fundación Asturies XXI, cellebraráse en Xixón del 30 setiembre al 3 d’ochobre

LA SIDRA.- La undécima edición del SISGA –Salón Internacional de les Sidres de Gala-, tendrá llugar en Xixón del 30 setiembre al 3 d’ochobre, y tendrá un calter más téunicu y profesional que les ediciones anteriores.

Dempués de la esperiencia del SISGA del añu pasáu, que se cellebró en plenu andanciu, y tuvo un perimportante conteníu online, y esperando que nesta edición mos atopemos nuna fase de rellativa normalidá, el XI SISGA afondará nel componente online y aumentará les actividaes presenciales, que tendrán un enfoque más profesional.

El Programa del XI SISGA; entamará cola Naguración Oficial tendrá llugar a les 12 h. del xueves 30 setiembre na Sala Prensa del Hotel NH Xixón, y les Tasties Nagurales, que se cellebrarán na Escuela d’Hostelería y Turismu de Xixón sedrán impartíes por Faustino M. Vázquez. del Llagar Panizales y Dominic Lagadec, del Llagar Txopinondo.

Pel so llau, el Xuráu Internacional que decide los Premios SISGA aconceyará en dos xornaes separtaes, na primera d’elles dedicá a la sidre de copa y d’espolleta, y la segunda  a la sidre de pera, llicores, sidre de xelu / fueu y auguardientes de sidre.

Asina mesmo, la tardi del vienres cellebraráse la Tastia Abierta al Públicu, y na del sábadu 2 sesiones de Tasties Guiaes de dos hores de duración, y el domingu 3 d’ochobre tendrá llugar el Brunch de Gala, nel qu’harmonizaránse sidre y propuestes gastronómiques nun actu demientres el que tendrá llugar la entrega de los Premios SISGA.

En cuantes a la participación pública, el SISGA cuntará con un númberu llimitáu de places pa participar tantu na Tastia Abierta al Públicu, como nes Tasties Guiaes y nel Brunch de Gala, siguiéndose un rigurosu orde d’iscripción fasta completar aforos

L’eventu, entamáu pola Fundación Asturies XXI, cunta col sofitu de la Conseyería de Mediu Rural, l’Ayuntamientu Xixón, la Caxa Rural de Xixón,  la Escuela d’Hostelería y Turismu de Xixón y la revista LA SIDRA

 

BRUNCH DE GALAPREMIOS SISGA’21/ XI SALÓN INTERNACIONAL DE LES SIDRES DE GALA / TASTIA ABIERTA AL PÚBLICU / TASTIES GUIAES / PROGRAMA XI SISGA / LLAGARES PARTICIPANTES

Ver info SISGA’20


(Visited 2.465.438 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies