Inicio > Cultura sidrera > Convocáu’l concursu Meyor Primer Sidre l’Añu 2022
Cultura sidreraEventosLlagaresPSLA

Convocáu’l concursu Meyor Primer Sidre l’Añu 2022

La IX edición d’esti concursu que tien como protagonista les sidres de la collecha 2021 ensin trasegar, cellebraráse na Sidrería La Montera Picona de Ramón

LA SIDRA.- Entamáu pola Fundación Asturies XXI cola collaboración de la revista LA SIDRA, esti concursu IX Meyor Primer Sidre l’Añu cellebraráse na Sidrería La Montera Picona de Ramón -con Alejandra Venegas d’echaora-, en dos xornaes estremaes, la primera sedrá’l sábadu dos d’abril, onde se procederá a faer una esbilla ente les presentaes, seleicionando les 7 meyores, y la final tendrá llugar el sábadu 9 d’abril y nella decidiráse cuala ye la Meyor Primer Sidre d’esti añu, que sedrá la sidre oficial d’esta XII Primer Sidre l’Añu -PSLA’22-, que se cellebrará del 14 al 17 d’abril nel Muséu del Pueblu d’Asturies.

Como ye persabío, esti ye l’únicu concursu d’estes carauterístiques que se cellebra nel país, y con elli pretende ponese en valor esta variedá de sidre, que tuvo a puntu esapaecer por mor de la industrialización de los llagares y la práutica cuasique sistemática del trasiegu.

La edición del añu pasáu, pesia tar en plenu andanciu, cuntó cola participación de 38 llagares, y nella trunfó  Sidra Huerces seguía de Viuda de Angelón y de Riestra.


(Visited 2.464.779 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies