Inicio > AS > Noticies > Considerances sobro la sidra brut: ellaboración y calidá
Noticies

Considerances sobro la sidra brut: ellaboración y calidá

Donato Xuaquín Villoria desplica nel so artículu los métodos de’llaboración d’esti tipu sidre ya la so rellación cola calidá de los actuales productos nel mercáu.

VER ARTÍCULU

LA SIDRA.- L’especialista en sidre y collaborador d’esta publicación, Donato X. Villoria, espublizó nel postrer númberu de la revista l’artículu: ‘Métodu de produción ya calidá na sidra brut’. Nelli espón delles considerances a tener en cuenta cuando probemos esti tipu sidre.

“Comu yá viéremos n’otros númberos y con más detalle, el métodu tradicional o champenoise consiste en facer la primera formientación alcólica de la sidre nos tinos pa, una vez terminada, embotellala y pasar a facer la segunda formientación na so propia botella, na que d’arréu se la dexa aposentar demientres un tiempu más o menos llargu de crianza enantes de sacala a mercar, siendo perimportante nel procesu de formientación la llabor de control de caúna de les botelles por parti’l llagareru.

 

El métodu granvás, más modernu y de calter industrial, consite, por embargu, en facer la segunda fermentación en tanques presuizaos, nos que la bébora mantiénse fasta la formación natural de gas carbónicu, tres lo que yá pasase al so embotellaú” desplica Villoria ya sigue: “Tantu nes bébores esplumoses de fechura pol método tradicional comu nes feches en granvás atópense productos d’una perbona calidá, de la mesma mena que na produción por cualisquiera d’esos métodos tamién se ven otros productos d’una calidá non tan bona. Y eso ye porque la calidá nun la da’l método d’ellaboración sinón la xera del ellaborador, nesti casu’l llagareru, el so curiáu ya’l so bon facer”

.Pa conocer más sobro los procesos d’ellaboración, calidá nesti tipo sidras, exemplos ya encamientos l’artículu de Villoria tá equí: https://issuu.com/lasidra.as/docs/la_sidra_153/67, na páxina 67. Perbona llectura p’asistir a la Tastia Abierta del VI Salón Internacional de les Sidres de Gala 2016 que sedrá’l sábadu 1 d’ochobre.   

(Visited 671.136 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies