Inicio > AS > Eventos > Concursu de Sidre y Perea “Grandes Llagos”
Eventos

Concursu de Sidre y Perea “Grandes Llagos”

La undécima edición de Cider & Perrry competition Great Lakes (GLINCAT) cellebraráse en Michigan los prósimos 22 a 24 d’abril.

LA SIDRA.- Comu espresión del xorrecimientu del seutor sidreru nos Estaos Xuníos, el concursu de los Grandes Llagos ye una referencia ca vuelta más importante, siendo consideráu agora mesmo’l más importante de Norte América, y ún de los principales del mundiu.

Trátase d’un eventu nel qu’Asturies vien teniendo presencia gracies al bon llabor d’Eduardo Coto (Cider Guerrilla), collaboraor davezu de LA SIDRA y énte too, un amante de la sidre en toles sos espresiones, siendo un adelantáu na defensa d’una conceición internacional de la sidre dende les propies rialidaes nacionales, lo que permite qu’ellí onde tea la presencia de la sidre asturiano seya bien digna.

 

La sidre asturiano lleva dellos años tando presente nesti eventu, de tala miente que llagares comu Trabanco, Riestra, Viuda de Angelón y Fanjul yá fueren gallardonaos nesti eventu n’ediciones anteriores. El plazu d’iscrición pa participar nel eventu entama mañana llunes 22 de febreru, y fasta agora nun tenemos confirmación de la participación de llagares asturianos, pero taremos sollertes.

Más información

(Visited 2.466.477 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies