El Conseyu Regulaor de la DOP espera pa esti añu una collecha récor de mazana amparao baxo esta DO.
LA SIDRA.- Sigún les previsiones de dichu CR, la campaña superará los 2 milolnes de llitros, frente al 1.900.000 del añu pasáu, Un xorrecimientu qu’espeya’l ca vuelta mayor interés na demanda de sidre de calidá, que vien aumentando’l so consumu un 3,8% sigún los postreros datos oficiales del Ministeriu d’Agricultura.
Nestos díis escomenzarán a pañase les variedaes tempranes, comu la Solarina, y a mediaos del mes viniente el restu, más serondiegues.
Agora mesmo, de les más de 2.000 races de mazana asturiana esistentes nun hai más que 22 que tean amparaes na DOP, y pañaránser fasta la fin de payares, que vendrá a finar una campaña que se prevé d’escelente calidá..
La DOP Sidre d’Asturies cunta con 23 llagares, 274 collecheros y 563 hectáries rexistraes y auditaes, con pumaraes de les 22 úniques races autorizaes anguañu nel Reglamentu de la Denominación d’Orixe Protexía, anque prevése que dirán incorporándose más.
