Inicio > AS > Noticies > Estíbaliz encamiéntate: chipirones fritos de la Sidrería Noriega
Noticies

Estíbaliz encamiéntate: chipirones fritos de la Sidrería Noriega

Esti llocal tamién destaca pol so curiáu na sidre y pola amabilidá d’Alberto y Marisol.

LA SIDRA.- Una de les coses que más esfruto del mio trabayu ye la gran cantidá d’establecimientos que puedo conocer, y afayar nellos platos propios de sidreríes pero que destaquen pola so bona ellaboración. Raciones que son del gustu de la mayoría de los asturianos pero que, “bien fechos”, como se suel dicir, son un auténtica delicia para quien esfrutamos colos saborgos típicos que dan los productos d’esta tierra y d’esta mar. Exemplu d’ello atopelu fai yá tiempu na Sidrería Noriega. Asitiada nel xixonés Barriu la Sidre (Juan Alvargonzález 52), esti llocal distínguese pola bona man en cocina de Marisol y el curiáu qu’Alberto da a la sidre qu’ende echen.

 

Lo que más mos presta pidir ellí a los mios collacios y a min son los chipirones fritos. Y ye que son bien saborgosos. Son dos les sos cualidaes les que me llamaron l’atención. En primer llugar tán un pocu adobaos, lo que, nel mio particular y humilde opinión, realza’l so saborgu pero ensin despintalu. Un puntu que se debe tener en cuenta si mos gusta esti cefalópodu. Per otru llau, la fritura ta bien cocinada. Queden bien cruxentinos y ná, pero ná grasosos, que ye una de les coses que nun soporto nesti tipu de platos. Pa min son perafayaízos pa cuando queremos beber unos culinos y picotiar daqué ente dellos yá que la ración ye curiosa.

Per otru llau, quinxere destacar el tratu que los propietarios tienen colos veceros. Siempres una sorrisa, siempres cercanu, siempres atentos. Amás de qu’esta sidrería ye frecuentada por presones que-yos gusta esfrutar de la nuesa bébora emblemático una y bones Alberto curiala permuncho, dende’l llugar nel que guarda les botelles, fasta l’echaáu y la entrega del vasu. Y finalmente, otru asuntu que pa min ye importante, ye que perhí paren tou tipu de presones, paisanos y paisanes, families, grupos de collacioss, toos mos damos a la charra con Marisol y Alberto.  Una cosa más, presllen los xueves por descansu asina que sollertes.

(Visited 2.465.026 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies