L’archipiélagu chilenu de Chiloé pon a Asturies como exemplu de lo que tien de ser la sidre nel so territoriu.
LA SIDRA.- “El nuesu suañu ye que Chiloé seya l’Asturies de Chile” afirma Gísela Hernández, encargada del plan de negocios de la sidre Insular. Gísela destaca que nel nuesu país la sidre tien una actividad económica importante, y destaca que Chiloé cunta con un importante volume de mazana de sidre y tradición na produición d’alcol de magar la mesma.
Ye verdá, non en vano l’archipiélagu cunta con una colonia asturiana que tovía anguañu caltién la produición de sidre pol métodu asturianu, y que probatiblemente tean muncho que ver coles pumaraes ellí esistentes.
Insular nació como un proyeutu de la ONG Cecpan, especializada en temes medioambientales qu’investigaron la posibilidá d’ellaborar sidre, fácil de comercializar y con bones perspeutives de consumu en Chile. Xuncieron esfuercios col Liceo insular de Achao pa entrenar a los sos estuiciantes na produción d’esta bébora y aniciaron Insular “L’oxetivu ye amosar la factibilidá económica y productia de la sidre, pero sobro too formar sidreros que creen los sos proyeutos y valoricen les mazanes de Chiloé” afirma Hernández.
