El Maño, Sidrería Pensión

Av. Costitución 2, Candás. Carreño
T. 984 397 601 y 663 146 445
Sidre Peñón normal y d’Escoyeta

Namás entrar sentímosmos acoyíos pola simpatía d’esti chigre que combina l’anovación de les sos propuestes con un ambiente tradicional y xuvenil. Tanto la presentación de los sos productos como la so gran calidá va sosprendemos. Imprescindible prebar la espeutacular Madreñona (parrilla de carnes y productos del mar con pataques servíos nuna madreña grandona) o la Espada de Pelayo.

Perafayaíza pa espiches en grupu, folixes y despidíes de solter@. Si lo que mos prúi ye más bien tomar unes botelles tranquilamente, fadrémoslo esfrutando de los sos abondosos pinchos, qu’enxamás nun falten na so barra, y si tenemos suerte coincidiremos ellí colos gaieros que pasen a animar l’ambiente. En cuantes a la sidre cunten con Peñón normal y d’Escoyeta, bien acuridiao y servío en tiempu y forma.