Inicio > Chigres > Chigre Les Neñes
ChigresEncamientosGastronomía

Chigre Les Neñes

Esti chigre xixonés, asitiada nel barriu d’El Coto y rexentada por Tania García y Noemi Menéndez dende fines del añu pasáu, consiguió ganase a los veceros gracies a la so bona cocina y a la illusión, pasión y entrega que desprenden les sos dueñes

LA SIDRA.- El barriu xixonés d’El Coto cunta con un nueu chigre de referencia, Les Neñes. Un negociu, asitiáu na cai Avelino González Mallada, nel que se ven espeyaes a la perfeición, la illusión, pasión y entrega que, ca díi, ponen Tania García, de 21 años, y Noemí Menéndez, de 25 años, que, pesia la so mocedá, cunta con diez años d’esperiencia n’estremaos llocales d’hostelería de la fastera, lo que fixo que se decantaren por asitiase nel barriu. Amás, la idega de Noemí ye participar nel prósimu Campionatu Oficial d’Echaores d’Asturies, yá qu’esti añu namás pudo presentase a la preba de Xixón.

Lleven pocu tiempu en furrulamientu, pero, de momento, “tamos percontentes de cómo ta respondiendo la xente y yá escomenzamos a tener veceros fixos, que, en dos meses, ye difícil d’algamar”. Una de les sos claves, aparte de la ambilidá y profesionalidá que tresmiten, ta na cocina. A base de platos tradicionales supieron conquistar alos comensales. Pero si hai daqué destaca na so esquisita carta, son los sos cachopos, dende los tradicionales de xamón y quesu, pasando pol de cecina y quesu de cabra, fasta’l cachopu “Les Neñes”, compuestu de xamón, quesu azul, pimientos del piquillos, espárragos y cebolla carambelizada. A toa esta ufierta gastronómica, hai d’amestar el so menú del díi y los sos menús especiales de fin de selmana, nos  qu’escomenzaron a introrucir platos típicos d’otres rexones llimítrofes, omo’l cocíu Maragatu. La idega de variar un poco los menús, como siñala Tania, foi de la cocineera, que “ye mui creativa y ocurrióse-y que podíemos ufrir daqué estremao”.

 

VER ARTÍCULU COMPLETU

(Visited 657.720 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies