Inicio > AS > Noticies > Chigre fusión: el ‘catanario’ en Barcelona
Noticies

Chigre fusión: el ‘catanario’ en Barcelona

Na sidrería canariu-asturiana echen la sidre de forma tradicional pa “una esperiencia más auténtica”.

LA SIDRA.- “El Chigre ye una institución democrática secular. Axunta al ricu y al probe n’amistosu hermanamiento. Nel chigre naide ye más que naide; toos son parroquianos, vecinos o visitantes ocasionales y entemecen les persones desaposiaos de grupos o castes”.

Asina se presenta esti restorán qu’afirma xunir los placeres culinarios catalanes y asturianos. “Dos tierres, dos llingües, dos cocines, dos mares, dos cocines cola gastronomía como únicu dialogo y coles mires de ‘fartarse’” despliquen nes sos redes sociales y amiesten: “Basámosmos en dos coses: Kilómetru 0 y ADN. El Chigre 1769 apueste pol productu de prosimidá y el so ADN: el catalán y l’asturianu’”. D’ende que bautizaren al so conceutu gastro como ‘catanario’

 

Hai de destacar que nesta sidrería –que tamién ye vermutería– echen la sidre de forma tradicional pa “la esperiencia más auténtica”. Amás nel so Facebook esponen detalles sidreros como por casu cuando escriben: “Ésti ye un bon exemplu de espalme, la cantidá xusta d’espluma enantes que s’esmoreza nun suerbu. Indicativu d’una sidre de calidá y d’enforma saborgu”. Na semeya qu’illustra la entrada apaez el llagareru Francisco Martínez de sidre El Gobernador sosteniendo un vasu de sidre desplicando’l conceutu.

Otru puntu a favor ye qu’esti restorán amuésase afín a la cocina de slow food. “¿Sabes qué ye? Ye un movimientu que surde en 1989 nel que pretende dase la importancia a los alimentos que se merecen, una cocina posao que dexa esfrutar de tolos saborgos y que respeta’l ritmu de les estaciones nes que convivimos” siñalen.

(Visited 2.465.117 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies