Inicio > AS > Noticies > Cena “Mesa Solidaria” en Casa Trabanco
Noticies

Cena “Mesa Solidaria” en Casa Trabanco

El menú cuesta 30 euros y ye p’aidar a la cocina económica, habrá sidre Trabanco y Poma Áurea brut nature.

LA SIDRA.- Mañana xueves Casa Trabanco va vistir les sos meyores gales pa recibir a los comensales que quieran collaborar y convertir una cena de Navidá nun actu de solidaridá. La iniciativa pretende axuntar a más de 50 presones que van compartir mesa y un oxetivu común, collaborar pa que nun falten alimentos na Cocina Económica estes Navidaes, y al empar donar el total íntegru de la recaldación a la organización donostiarra ensin ánimu d’arriquecimientu Zaporeak, a la que’l restorán yá donara la so cocina va unos meses pa que fuera tresportada a Etiopía y que siguiera alimentando dende ellí a les presones que más lo precisen.

El menú preparáu pa la ocasión, que tien un preciu de 30 €, consta de crema de calabaza y gambes, llombos de merluza a la sidre con pataques, pitu caleya con guarnición de frutos d’iviernu y canela y crema de quesu y compota de mazana, tou ello regao con Sidra Trabanco y Poma Áurea brut nature.

 

Amás va haber un platu especial sospresa que va tar preparáu polos mesmos miembros de la ONG Zaporeak, que van simbolizar asina la continuidá del so trabayu diariu en distintos campamentos, especialmente en Chios, onde esti añu dieron más de 300.000 raciones, y n’Etiopía, onde llograron que cerca de 500 neños puedan alimentase a diariu.

 

“Acudiendo a la cena ta aidándose a que munches presones tean un futuru meyor y con más posibilidaes” La cena va escomenzar a les 21:30 hores y fasta’l momentu formalizaron la so reserva 40 presones, colo qu’inda queden places abondes pa poder collaborar, porque en casu de ser necesariu ampliaríase’l comedor. Aquelles presones interesaes en participar nesta “Mesa Solidaria” puen llamar al 985 13 64 62.

(Visited 1.226.221 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies