Inicio > Encamientos > Cena Gala del SISGA’18
EncamientosEventosEventosGastronomíaInternacionalLlagaresSidreturismuSISGATastiesTasties

Cena Gala del SISGA’18

La nuechi del vienres 28 setiembre, dientru les actividaes del SISGA’18 cellebraráse una esperiencia gastronómica d’alta categoría que tendra a la sidre como filu conductos. El llugar escoyíu esti añu pa cellebrar la Cena Gala ye’l conocíu restorán Bellavista en Xixón.

LA SIDRA.- Esti llugar ye ún de los más simbólicos de la ciudá. En primer llugar, el so asitiamientu frente la sablera failu tener vistes espeutaculares haza la mar y la ciudá. Amás, al formar parte del Grupu Gavia, cunta ente les sos files con profesionales de gran trayeutoria especializaos nesta triba d’eventos, que poséen un remarcáu calter internacional.

La cena costará de dos partes fundamentales. Nun primer intre, los asistentes esfrutará, na terraza asitiada nel segundu andar del restorán, de siete puntos gastronómicos onde harmonizaránse estremaes tribes de sidre presentaes al SISGA con propuestes vanguardistes pa la so degustación.

Más alantre, los participantes pasarán al salón onde se lleven a cabu los eventos. Ende serviráse-yos un menú ellaboráu pol xefe cocina del restorán Bellavista, Victor Ramón Álvarez, nel que tamién la sidre tendrá un papel esencial, darréu que caún de los platos dirá acompangáu per estremaes sidres pa que los comensales valoren la so harmonización.

Sedrá precisamente nesta Cena Gala onde s’entregarán los Premios SISGA’18 a los productos que, sigún los votos del xuráu internacional, se fixeren mereceores de daqué gallardón.

VER ARTÍCULU LA SIDRA

VER SEMEYES DEL SISGA’17

(Visited 669.873 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies