Inicio > Chigres > Casa Vila. Un chigre-tienda del sieglu XXI
ChigresEncamientosGastronomía

Casa Vila. Un chigre-tienda del sieglu XXI

En 2005, «Vila» y la so muyer, Carolina, dieron un xiru a la so vida y abrieron esti negociu, en plenu corazón de Pravia, nel que,  a base d’una cocina tradicional y vanguardista, puen tastiase los meyores productos asturianos o mercalos pa llevar

LA SIDRA.- Esti chigre-tienda familiar, afechu al sieglu XXI y allugáu en plenu corazón de Pravia, nació en 2005 de la mano de José Luis Vilariño, «Vila», y la so muyer, Carolina Álvarez –a los que se-yos sumó, darréu, el so fíu Andrés–, que decidieron dar un xiru radical a la so vida y apostar pola hostelería.

L’aventura salió-yos de maravía y esi piqueñu negociu inicial, nel que podíen tastiase una gran variedá de productos asturianos, especialmente quesos, o mercalos para llevar, foi evolucionando fasta una cocina tradicional con un toque vanguardista. Eso sí, ensin perder la so sencia, sacándo-y el másimu rendimientu a lo meyor de la gastronomía asturiana.

Les sos ellaboraciones nun dexen indiferentes a los comensales que forfuguen el pan para rañar el platu, saborguiando les sos espectaculares almóndigues d’atún rojo o’l so cachopu veganu, escoyíu, esti añu, como’l Meyor del Mundiu de la categoría, fechu con una cogorda portobello rellena de xamón de gochu asturcelta, besos del Rei Silu y cebolla confitao con mueyu de trufa y pataques panaderes, ensin escaecemos de la so variedá de tortos de fariña de maíz. Pa maridar estes delicies, lo meyor, la sidra natural de Herminio o la DOP de Cortina, Villacubera. El so espositor de quesos, embutíos, conserves o llegumes permite a los veceros vivir una esperiencia gastronómica na so propia casa.  


(Visited 2.466.212 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies