Inicio > AS > Noticies > Calidá nel corchu
Noticies

Calidá nel corchu

La manufactura y los medios de control de calidá nel corchu ye una de les asinatures pendientes del seutor sidreru asturianu al que más ceo que sero habrá que dir poniendo-y remediu.

VER ARTÍCULU

LA SIDRA.- Con ser el corchu un elementu perimportante no que cinca al caltenimientu de la sidre, sigue ensin dase-y la debía importancia que tien el mesmu, fasta tal puntu que nin la DOP “Sidre d’Asturies”, nin la Sidre d’Escoyeta, presten-y la menor atención nos sos criterios de calidá, y ye que too se fía al consumu del productu en pocos meses, esperando asina que nesi pocu tiempu les carauterístiques del corchu nun lleguen a influyir na calidá de la sidre, lo que non solo nun ye asina, sinon que conforme vaiga internacionalizándose’l productu -un fenómenu inevitable y deseyable-, la problemática va ser ca vuelta mayor.

 

Nel artículu que s’alxunta, fechu por Donato Xuaquín Villoria, recuyénse los procesos de la factura del corchu dende’l tratamientu anicial de la corteya de la sufrera, la tresformación y los medios colos que cunta’l más importante centru d’investigación y control de calidá de Catalunya y España, el Institut Catalá del Suro.

(Visited 2.466.600 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies