Inicio > Llagares > Brut Ramos del Valle
LlagaresTasties

Brut Ramos del Valle

Lo nuevo de Sidra Fran

LA SIDRA.- Esta sidre que salió al mercáu na segunda fola del andanciu y con una bon alcordanza navidiega, tastiémosla ente dellos compañeros, dalgunos d’ellos tastiaores en certames, y diéronmos toos una valoración bastante bona de toles sos cualidaes. Destacar qu’esta sidre ellaborar con lleldos propios collechaos nel mesmu llagar y verificaos pol SERIDA, asina comu una crianza en rima de más de nueve meses.

Arume: anque la sidre taba frío pa tomar y estos nun apaecíen, al dir coyendo temperatura la botella sí apaecen arumes de fruta maduro, acompotados.

Visual: cristalina, llimpia con borbolla bien fina, en tola amplitú de la copa, con una persistencia que va menguando sigún consúmese’l líquidu, mariellu oru, con bona recuperanza al descorche.

Gustu: seca, astrinxente, colos amargos y allimonaos de cítricos, perbon pasu en boca, quiciabes cadeza de daqué de retrogusto, como si s’esperara daqué más. En definitiva un bon productu, con bona ellaboración de la collecha 2019 polo que se caltien con tola so viveza, una sidre esplumoso a tener en cuenta.

Manuel G. Busto


(Visited 2.468.220 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies