Inicio > AS > Eventos > Bretaña sedrá güei protagonista nel Arcu Sidreru
Eventos

Bretaña sedrá güei protagonista nel Arcu Sidreru

Dempués de la xornada d’ayeri, onde la conferencia del antropólogu Xuan de Con y la tastia guiada del espertu sidreru Donato Xuaquín Villoria fueron un auténticu ésitu, güei toca-y el turnu a David M. Rivas y a la sidre bretona.

VER SEMEYES

PROGRAMÍN PREVISTU

LA SIDRA.- Memorable como vienen siendo toles xornaes del Arcu Sidreru Atlánticu, na xornada d’ayeri, Xuan de Con –antropólogu y profesor de la UNED- consiguió que la so conferencia “La Patrimonialización de la cultura. El casu de la Sidre d’Asturies” non solo toviere un perimportante seguimientu, sinon que diere llugar a un interesantísimu alderique. Darréu, la Tastia Guiada de sidre vasco –Txopinondo y Ama Ohiarte- con quesu vascu, a cargu del espertu sidreru y avezáu collaboraor de la revista LA SIDRA, Donato Xuaquín Villoria, permitió a los participantes na mesma conocer de primer mar la sidre vasco y la so evolución, y esfrutar d’ella coles acertaes indicaciones que fexo sobro elles.

 

Pa güei sábadu, el protagonismu tendralu David M. Rivas, cola so conferencia “L’Océanu que baña la sidre” y dempués la Tastia Guiada de sidre bretona a cargu de Ignacio Cuervo, que de xuru fadrá les delicies de los amantes de la sidre

 David M Rivas ye profesor titular d’Estructura Económica na Universidá Autónoma de Madrid, onde imparte les materias de estructura económica mundial y desendolcu caltenible. Anguañu ye profesor ya investigador de distintos centros d’Europa y América, y ye miembru del Observatoriu Llatinoamericanu d’Ordenación Territorial y Caltenibilidá y del Istitutu Interuniversitariu d’Economía Espacial Caltenible. Con gran cantidá d’espublizaciones editaes, destacar les referidas a etnografía asturiana: “La sidra asturiana. Bebida, ritual y símbolo” (Xixón, 2001). Segunda edición en 2007. “Las fiestas asturianas. Nuevas formas y viejos ritos” (Xixón, 2009).

(Visited 671.129 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies