Inicio > Llagares > Botelles y etiquetes creatives pa la sidre
LlagaresSin categoría

Botelles y etiquetes creatives pa la sidre

Cordelia Pickford rializó pal so trabayu fin de grau, 22 diseños de botelles y etiquetes, basaos nos nomes de les races de mazana reconocíes pola DOP.

LA SIDRA.- Cordelia Pickford, dende la so llegada a Llanes va diez años, carauterizóse pol so calter anovador y creativu. Pesia dir a estudiar Diseñu a Madrid, quinxo que’l so Trabayu Fin de Grau toviere vinculáu con Asturies, “Llugar onde deprendí a pintar onde quinxere proyeutar el mio futuru”. Y qué hai más asturiano que la sidre. Por eso, “decidí plantegar el rediseñu de la botella sidre, yá que m’abultaba un soporte magníficu pa trabayar, pero nun quería perder la sencia de la botella, yá que ye un iconu y taba daqué nerviosa por como saldríe”

 

Pa ello, fexo 22 modelos estremaos de botelles y eitquetes, cuyos nomes coinciden coles 22 races de mazana asturiana reconocíes, fasta esti intre, pola DOP. La temática, como desplica Cordelia “escoyóse cola finalidá de dar un nome a ca diseñu, como si se tratare de la marca de la botella, aprofitando los nomes tan curiosos y guapos de les mazanes, que, en dellos de casos, describíenles pol so aspeutu físicu, el so orixe o la so forma d’obtención”. Tolos diseños caltienen un fuerte vínculu con Asturies, yá que caún ispiróse nun ellementu perteneciente a la cultura o natura asturiana: los traxes del país, les pumaraes, l’echáu, la flora, les madreñes, l’arquiteutura o l’acebache, ente otros.

VER ARTÍCULU COMPLETU EN LA SIDRA 164

(Visited 2.465.788 times)
Compartir

2 thoughts on “Botelles y etiquetes creatives pa la sidre

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies