Inicio > Sin categoría > Borbolles asturianes
Sin categoría

Borbolles asturianes

La campaña de Navidá promete beneficiar a la sidre esplumoso asturiano.

LA SIDRA.- La sidre esplumoso asturiano ta de moda. Por eso espérase bater esti añu’l so récor de vientes, superando les 50.000 botelles del añu pasáu.

Y ye que la nuesa sidre brut pue competir perfechamente con otros esplumosos del mercáu, incluyíu’l xampán o’l cava. Ye un productu natural, de poca graduación y baratu, asina que s’espera que trunfe esta temporada.

Anantes les Navidaes entamaránse dos campañes: una, más xeneral, que va destacar les sidres esplumoses de doble formientaura; y otra que les promocionará en más de trescientos chigres y restoranes d’Asturies.

Los llagareros esperen un mayor consumu, especialmente en Fin d’Añu; y tanto Daniel Ruiz, xerente de la Denominación d’Orixe Protexíaa, como Samuel Trabanco, responsable d’ún de los mayores llagares del país, atribúin estes mires al bon facer del seutor y a que ca vegada hai más establecimientos de restoración interesaos nel productu.

Tamién suxuren que’l consumidor asturianu ta cada vegada más concenciáu na defensa de la bébora autóctono, presente en munches meses nesta dómina’l añu, y que esto va influyir más nes vientes que’l conflictu catalán y el posible boicó a los sos productos.

(Visited 2.468.008 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies